लुम्बिनी पूजासामग्री भण्डार

लुम्बिनी प्रदेशको ऐतिहासिक एवं धार्मिक सहर बुटवलको मुटु, ट्राफिकचोक स्थित तिलोत्तमा गंगाको पवित्र तट र ऐतिहासिक जितगढी किल्लाको सामिप्यमा अवस्थित लुम्बिनी पूजासामग्री भण्डार केवल व्यापारिक प्रतिष्ठान मात्र नभई सनातन धर्म, संस्कृति र परम्पराको संरक्षण एवं संवर्द्धन गर्ने एक प्रमुख केन्द्र हो। संस्कृत विषयमा आचार्य गर्नुभएका तथा विभिन्न धार्मिक-सामाजिक संघ-संस्थाको नेतृत्व गरिसक्नुभएका अभियन्ताद्वय, प्रसिद्ध ज्योतिष पण्डित जनार्दन न्यौपाने र आचार्य सुन्दर भण्डारीको संयुक्त सञ्चालन एवं कुशल मार्गदर्शनमा यस भण्डारले एक दशकभन्दा बढी समयदेखि पश्चिम नेपालमा आफ्नो बेग्लै र विशिष्ट पहिचान बनाउन सफल भएको छ।

हाम्रो मुख्य उद्देश्य केवल पूजासामग्रीको व्यापार गर्नु मात्र नभई शुद्ध सामग्रीको उत्पादन, बिक्री-वितरण तथा धर्म-संस्कृतिको,संरक्षण , जागरण र प्रचार-प्रसार गर्नु हो। व्यापारसँगै सामाजिक उत्तरदायित्वलाई मर्मका रूपमा लिँदै हामीले पञ्चायन पूजा प्रशिक्षण, शंख बजाउने तालिम तथा प्रतियोगिता, र कर्मकाण्ड एवं ज्योतिष पण्डितहरूका लागि क्षमता अभिवृद्धि सम्मेलन जस्ता विविध रचनात्मक कार्यक्रमहरू नियमित रूपमा सञ्चालन गर्दै आएका छौँ। साथै, संस्थाको आम्दानीको १० प्रतिशतभन्दा बढी रकम गौशाला, मठ-मन्दिर तथा आश्रमहरूको संरक्षण र सहयोगका लागि समर्पित गर्दै आएका छौँ।

हरेक प्रकारका शुभ (देवकार्य) वा पितृ कर्मका लागि आवश्यक पर्ने सम्पूर्ण शुद्ध र गुणस्तरीय पूजासामग्रीहरू सुपथ मूल्यमा एकै छानामुनि प्राप्त गर्नका लागि लुम्बिनी पूजासामग्री भण्डारमा यहाँहरू सम्पूर्ण सेवाग्राहीहरूलाई हार्दिक निमन्त्रणा गर्दछौँ।